أهم أوامر فحص وإصلاح النظام في ويندوز

قلنا وبنقول تاني… عن أوامر ناس كتير ما تعرفش قيمتها! فى الكمبيوتر

يا جماعة، في أوامر داخل ويندوز أغلب الناس مش بتستخدمها، رغم إنها سر من أسرار استقرار النظام وسرعته

الأوامر دي مش بس بتصلح الأعطال، دي كمان بتحافظ على أداء الويندوز كأنه جديد

سواء النظام بطّأ، أو بعد انقطاع الكهرباء فجأة، أو حسّيت إن فيه تهنيج أو ملفات بتغيب…

فالموضوع بسيط جدًا، كل اللي عليك تنفّذ الأوامر دي من "موجه الأوامر CMD" بصلاحيات Administrator وهتشوف الفرق بنفسك

أهم أوامر فحص وإصلاح النظام في ويندوز – مرتبة حسب الأولوية

---------------------------

sfc /verifyonly

يفحص ملفات النظام فقط دون أي إصلاح.

مفيد كتشخيص مبدئي لمعرفة إذا فيه تلف.

ما بيصلّحش، بس بيقولك لو فيه مشكلة.

------------------------------------

sfc /scannow

بيفحص النظام بالكامل ويصلّح الملفات التالفة تلقائيًا.

أهم أمر لاستقرار النظام وسرعته.

شغّله كـ Administrator وانتظر لحد ما يوصل 100%.

-----------------------------------

DISM /Online /Cleanup-Image /CheckHealth

فحص سريع لحالة صورة النظام (Windows Image).

بيكشف وجود أي تلف معروف.

----------------------------------

DISM /Online /Cleanup-Image /ScanHealth

فحص أعمق لصورة النظام للعثور على مشاكل مخفية.

خطوة تمهيدية قبل الإصلاح الفعلي.

DISM /Online /Cleanup-Image /RestoreHealth

يصلّح صورة النظام تلقائيًا باستخدام ملفات ويندوز الأصلية.

الحل النهائي لمشاكل النظام العميقة.

تأكد إنك متصل بالإنترنت أثناء التنفيذ.

----------------------------------

chkdsk C: /f /r

بيفحص الهارد ويصلّح الأخطاء والقطاعات التالفة.

يحسن الأداء ويمنع التهنيج والمشاكل المفاجئة.

هيطلب إعادة تشغيل، وافق عليها.

DISM /Online /Cleanup-Image /StartComponentCleanup

بينظف النظام من الملفات القديمة والمكونات الزائدة.

يحافظ على خفة وسرعة الجهاز.

آمن جدًا ويفضّل استخدامه كل فترة.

نصيحة ذهبية:

نفّذ الأوامر دي بالترتيب من (1 إلي 7) مرة كل أسبوع أو بعد أي انقطاع كهرباء مفاجئ

وهتشوف ويندوزك بيرجع جديد.. سريع.. وآمن زي أول يوم